Wabakaji Lamu wako matatani

Wakazi wa Lamu wameruhusiwa kumuadhibu kwa kumkata sehemu za siri za mtu yeyote ambaye atapatikana amembaka mtoto.

Kamishna wa kaunti ya Lamu Irungu Macharia amesema kwamba mwanamke yeyote atakayemkata sehemu za siri mwanamume ambaye ni mbakaji hatakabiliwa na mashtaka yoyote.

Amesema kwamba hatua hiyo ni ya kuhakikisha wanaume ambao wamekuwa na hulka ya kuwabaka watoto wadogo wanapata funzo kwani visa hivyo katika Kaunti hiyo vinaendelea kukithiri.

Maeneo ya Hindi na Basuba yanaendelea kuongoza kwa visa vya watoto kubakwa huku wathiriwa wakikosa kupata haki.

Hayo yanajiri huku ripoti ya Shirika la World Vision ikibainisha kwamba angalau visa viwili vya ubakaji huripotiwa kila siku katika Kaunti hiyo.

Leave a Reply

Your email address will not be published. Required fields are marked *